Штогод навучэнцы школы, экскурсаводы музея і настаўнікі ўдзельнічаюць у розных мерапрыемствах, прысвечаных традыцыйным святам беларускага народа: Купалле, Масленіца, Дзень беларускай мовы, Калядкі, Новы год.

Музей штогод прадстаўлены на галоўных святочных пляцоўках горада, прымеркаваных да важнейшых дзяржаўных свят: Дзень Незалежнасці, Дзень Перамогі. Музейныя экспазіцыі прадстаўлены на мерапрыемствах, прысвечаных Дню г. Гомеля, Дню вызвалення г. Гомеля ад нямецка-фашысцкіх захопнікаў і г.д.

Цымбалы - музычны брэнд Беларусі. Гэты ўнікальны струнны інструмент — голас і гонар нашай нацыянальнай культуры.
У цым­баль­най зва­ні­цы адлюстраваны цэ­лыя ста­год­дзі. Ні­бы­та хра­ма­вае гу­чан­не — у ім столь­кі сут­нас­ці, дум­кі, па­чуц­ця, фі­ла­со­фіі.
Цым­ба­лы ад­на­ча­со­ва мо­гуць вы­даць не­паў­тор­нае су­гуч­ча, ні­бы­та гэ­та хор з не­каль­кіх зва­ноў. І гэ­тую дзі­вос­ную пра­нік­нё­насць, імк­лі­васць, а ча­сам і ці­шы­ню ства­ра­юць цым­ба­лы і лю­дзі, якія на іх іг­ра­юць.
Елісеева Мар'яна грае на цымбалах з 7 год. Чароўныя гукі гэтага музычнага інструмента ў яе выкананні з'яўляюцца неад'емнай часткай і ўпрыгожаннем пастановак этнаграфічных мерапрыемстваў і народных свят, якія праводзяцца ў нашым музеі.

Анлайн-конкурс чытальнікаў "Пад Зоркай Венеры"
Верш Максіма Багдановіча "Перапісчык"
Чытае вучань 11 "А" класса Палуянаў Архіп Васільевіч

Музей на сталай аснове арганізуе мерапрыемствы на базе школы. Гэтыя мерапрыемствы праводзяцца як у рамках прадметнага тыдня, так і прымеркаваны да розных свят і падзей з гісторыі беларускай мовы і культуры. На пастаяннай аснове праводзяцца адкрытыя ўрокі, дзе навучэнцы школы могуць пазнаёміцца і дакрануцца да беларускай культуры, адчуць сябе ў атмасферы ХІХ – пачатку ХХ ст. Традыцыйнымі сталі мерапрыемствы, прымеркаваныя да Масленіцы, Калядкам, Дню беларускай мовы. Для ўдзелу ў мерапрыемствах прыцягваюцца навучэнцы школы, настаўнікі, а таксама розныя госці.