Для арганізацыі работы музея на пастаяннай аснове вядзецца падрыхтоўка юных экскурсаводаў з ліку вучняў школы. Дзейнічае аб'яднанне "Юныя экскурсаводы" (Кіраўнік - Рубанава В. У.)
Юныя экскурсаводы знаёмяцца з гісторыяй, экспанатамі і калекцыяй музея. Вывучаюць гісторыю культуры і побыту беларускага народа, а таксама авалодваюць навыкамі вядзення экскурсіі, падачы матэрыялу, выступлення.
Апроч гэтага, юныя экскурсаводы пад кіраўніцтвам вопытных настаўнікаў удзельнічаюць і ў розных абласных і рэспубліканскіх конкурсах, дзе дэманструюць сваё майстэрства і навыкі вядзення экскурсій. Вучні школы - пераможцы абласных і рэспубліканскіх конкурсаў юных экскурсаводаў.